Liewe Ouers

Ons is 2 Suid-Afrikaners in ‘n backpacker iewers in Europa in ‘n Stad.
Ons ken ‘n mielie en ‘n stroper en ‘n John Deer trekker ons het die weer en die kultuur geonderskat.
Want hier sit ons in ‘n kamer met ‘n Ausie en Kiwi en ‘n Duitster en Ier en 2 Japs.
En almal behalwe ek en Stevie bestudeer opgewonde hulle maps
Hulle chat oor als wat hul gaan sien, watter museums en watter outydse geboue
Ek en Stevie chat oor rugby en oor 2010 se sokker world cup en sy broer se rowwe troue
Maar in ons sak is daar ‘n padkaart van ‘n hele ander missie
Praat nie uit nie dit is konfidensieel
Dis ‘n Suid-Afrikaanse kompetisie om te ontsnap uit die backpacker perseel.

[Pre-Chorus]
Middernag sopas. Check
Balaklawa Kompas. Check.
Walkie-talkie toets oor en uit
Stevie jy is bravo 1 move uit
Bravo 1 bravo 1 kom in. Identifiseer jou posisie
Bravo 1 staan by ek is alreeds in die dak baie stof en ek het bitter swak visie.

[Chorus]
Liewe ouers hier’s ‘n rot, hiers ‘n rot en hy is groter as ‘n dassie.
Liewe ouers dis‘n rot of nee wag ek sweer dit is ‘n dassie.
Liewe ouers (x3)

Meanwhile by die huis is daar ‘n spitbraai
Iewers langs die Bronkhorstspruitdam
Daar is mielies en sosaties en ‘n bak slaai, braaibroodjies met tamatie, kaas en ham
En die manne staan in speedos om die vuurtjie en bespiegel oor die Hane en die Ausie en die Kiwi
Wie was die beste kaptein John Smit of Corné Krige en hul wonder nou hoe gaan dit met ek en Stevie
Hulle imagine hoe ons kuier, hoe ons girls op chat met ons rough looks en ons Afrika aksent.
Hoe ons outydse geboue en museums verken, Brussels, Brugge en Parys en ook Gent.
Maar iewers in Europa in ‘n gryserige stad sit ‘n bang Suid- Afrikaner in ‘n dak
Hy mis ‘n mielie en ‘n stroper sy Jack Russel en sy kat en ‘n somer warm Afrika sonsak.

[Pre-Chorus]
Balaklawa kompas check.
Kopliggie harnas check.
Walkie-talkie toets oor en uit.
Ok, ek is Bravo 2 move uit.
Bravo 1 bravo 1 kom in identifiseer jou posisie
Bravo 1 staan by jyt nog nooit so iets gesien nie ek is skyt bang asseblief bel die polisie.

[Chorus]
Liewe ouers nog ‘n rot, nog ‘n rot en hy is groter as ‘n staffie
Liewe ouers dis ‘n rot of nee wag ek sweer dit is ‘n staffie.
Liewe ouers (x3)