Yaar Mera

हे री माँ ओ बैद के करै, जिसनै नब्ज प्रेम की न पाई,
रोग लग्या मेरै रूहानी री माँ, जिसकी बस प्रेम नाम दवाई।

हो जोणसा मेरे अंदर नाचे अर गावे,
मेरी ओर जोणसा प्रेम तै लखावै,
वा ऐ तो री माँ यार मेरा…..

यो जोणसा बादल की ज्यूँ कदे कदे आवे,
बरसावे प्रेम घणा मन्नै डुबावे,
वा ऐ तो री माँ यार मेरा….

यो जोणसा खुद भी नाचै मन्नै भी नचावे
वा ऐ तो री माँ यार मेरा…

मण मण आंजु आंख्यां मैं तै काढवावे
वा ऐ तो री माँ यार मेरा...

ऐ हक़ फ़कीरा, ऐ हक़ फ़कीरा, ऐ हक़ फ़कीरा
अल्लाह हु हु हु। × 2

यो जोणसा किरसन बरगी बंसी बजावे
री जोणसा बुल्ले बरगा नाच दिखावे
वा ऐ तो री माँ यार मेरा...

ईसा मसीह बरगी बात सणावे
वा ऐ तो री माँ यार मेरा

रटै राम राम अर अल्लाह अल्लाह गावे
वा ऐ तो री माँ यार मेरा...

यो जोणसा छण छण छण छण चिमटा बजावे
हो जोणसा खुद नै फ़क़ीर बतावे
वा ऐ तो री माँ यार मेरा…