Balans

Ek verloor my balans, te vroeg
Om te weet, hoe ver ek gaan val.
Maar ek steel dit terug, as jy nie kyk nie
Want jy mag nie sien nie, jy moet weet…

Ek verkies wakker bly en dink bo slaap en droom as ek bly le
Maar jy verwag ek moet wakker bly en droom wakker,
Bly en droom terwyl jy dans
Want dis klaar te laat vir my as ek verniet begin baklei
Om my sinne by jou terug te kry.
Ja dis klaar te laat vir my as ek verniet begin baklei
Om my sinne by jou terug te kry, terug te kry…

Ek verleer my balans, verloor my gehoor,
As jy vir my met stomheid slaan.
Ek probeer verstaan wat dit is
Wat jy wil he as jy se wat jy se
Ek glo nogsteeds dit is beter
Om eerder te veel te voel as te min.

So sal jy my daarvan laat hoor
As jy dalk jou balans wil verloor
Want dis klaar te laat vir my as ek verniet begin baklei
Om my sinne by jou terug te kry
Ja dis klaar te laat vir my as ek verniet begin baklei
Om my sinne by jou terug te kry…